Naunahan pa sila nina DINO at KIM magkaroon ng launching movie: "Masayang-masaya ako dahil may launching movie na sina DINO at KIM. Wala akong nararamdamang insecurity o inggit dahil alam kong darating din ‘yung time namin ni DINGDONG." -- Antoinette Taus

As we all know, tatlong loveteams ang bumubuo ng Viva Teen Barkada. From among the three—kinabibilangan ito nina ANTOINETTE TAUS-DINGDONG DANTES, SUNSHINE DIZON-POLO RAVALES at KIM DELOS SANTOS-DINO GUEVARRA—mas uunahing i-launch to full stardom ang loveteam ng huli.

Ano kaya ang reaksyon ni Antoinette sa bagay na ito?

"Actually, alam naman naming lahat na ilo-launch kami, di ba? Kumbaga, nagkataon lang na ‘yung loveteam nina Kim at Dino ang inuna. Pero sa totoo lang, kung kami ang naunang I-launch at this time and at this point in our career, personally, ayoko pa.

"Natatakot ako, kasi sa Honey, My Love, So Sweet, anim kami roon pero tama lang ‘yung kita. It did well. Pero hindi ito naging super blockbuster talaga.

"Ayoko pang magkaroon ng launching movie kasi nakakakaba talaga. It can make or break you. Kumbaga, kapag hindi siya pumatok, kawawa naman kami. What will happen to us. Mas okey na muna ‘yung ganito, di ba?

"I know, time will come, mabibigyan din kami. Pero not at this point in time.

"Yeah, I’m happy for the two of them. Lalo nasi Kim. Na I know, pinaghirapan din niya ito.

"And definitely, we’ll be there to support them kasi we’re still part of the group. Andiyan pa rin naman kami para mag-extend ng tulong kung kinakailangan.

"In the first place, iisa lang ang kumpanyang pinagtratrabahuhan naming lahat. Siguro, magkakatulungan na lang kami," pahayag ni Antoinette sa amin sa taping ng Anna Karenina ng Viva TV at GMA-7."

Natutuwa si Antoinette sa chance na ibinigay ng Viva kina Kim at Dino pero nararamdaman niyang may pressure rin ito sa dalawa.

"Mahirap din ‘yung lagay nila. Mahirap din ‘yung magkaroon ng launching movie. Kasi, siyempre, malaki ‘yung expectations. Besides, ‘yung pressures, ‘no?

"Hindi biro ‘yon. But I know, hindi naman sila pababayaan ng Viva. On our part, kung may maitutulong kami, andito lang naman kami," sabi ni Toni sa amin.

Late last year pa, si Antoinette ang nauulinigan naming igu-groom ng Viva as the next most important star. Pero hindi ba siya nagtaka at biglang napunta ang atensyon ng Viva kay Kim?

"I don’t know how to explain kasi even before pa, ayokong may naririnig akong parang ako ‘yung ilo-launch. ‘Yung ganu’n ba? Parang ayokong maunahan pa ‘yung time na ‘yon.

"Hangga’t hindi pa nangyayari, ayokong pangunahan. Mahirap kasi, di ba? Okey pa rin naman ako sa Viva. Nothing has changed, actually. Kumbaga, kung ano ‘yung napag-usapan, wala namang pagbabago. And I’m happy with my career.

"It is still going great pa naman, e. At saka, magkakaroon din naman ako ng movie.

"Sa totoo lang, if they offered us a solo movie now, I would refuse. I’ll tell them, not now! ‘Yung Honey nga, natakot na ako. How much more kung solo movie na, di ba? Ibang usapan na ‘yon," paliwanag pa ng aktres.

Honestly, wala ba silang naramdaman kahit na kaunting insecurity o kaya’y selos?

"It will come naman. Viva told us naman na may gagawin din kami. Inuna nga muna sina Kim at Dino. Sa amin, wala ‘yon. Wala kaming naramdamang ganu’n. Hindi kami na-insecure o nakaramdam ng konting selos.

"As a matter of fact, sinasabi naman namin na we’re happy for Kim and Dino. We believe, it’s their time at maghihintay rin kami na dumating ‘yung time namin.

"Kung tutuusin, maraming offer sa amin to do a movie outside Viva pero hindi namin tinatanggap kasi nakakatakot. When you think you’re not ready career-wise, delikadong pasukan ‘yon. Kasi malaking desisyon ‘yon.

"Kapag nag-fail yung movie, kawawa rin naman ‘yung mga producers. And I don’t want that to happen. I will only do a solo movie kapag naramdaman kong ready na kami at may mga manonood na taalaga," dagdag eksplanasyon ng favorite leading lady ni Dingdong.

Handa rin daw umapir sa launching movie nina Kim at Dino si Antoinette.

"Why not, di ba? Kaya lang, hindi pa naman kami sinasabihan. Willing naman kami to help them. Kahit cameo role, okey lang kung talagang makakatulong. But I’m confident too na kayang-kaya ‘yan nina Kim at Diino.

"But if they really need us, andiyan lang naman kami. Kung makakatulong, handa kaming ibigay ang serbisyo namin.

"Tutal kami lang naman ang magkakatulungan. Dahil iisa lang kaming pamilya sa Viva. Anuman ang mangyari, kami-kami pa rin ang magdadamayan.

"Ang masasabi ko lang, masayang-masaya ako sa kanila. Walang insecurity, wala ring selos kasi alam kong darating din ‘yung time namin ni Dingdong," masayang pahayag ni Toni.